Axis - Grupo de Pretty
(Axis axis)
Características
Clase: Mammalia
Orde: Artiodactyla
Familia: Cervidae
Peso: Entre 90 e 100 Kg
EVM: 15 anos
Alimentación: Herbívoro.
Hábitat: Bosques, selvas e pasteiros próximos á auga.
Distribución: É orixinario da India e Sri Lanka.
Descrición
O CHAMADO CERVO MÁIS BONITO DO MUNDO
Tamén chamado Chital ou Cervo moteado debido a que, a diferenza do resto dos cervos, mantén o punteado branco durante toda a súa vida e non só mentres son crías.
Orixinario da India e sometido a unha gran presión pola caza xa que os seus hábitos son grupais e móvense en espazos abertos, o que fai moi doado que sexan obxectivo dos cazadores, en comparación con outros ungulados que son solitarios e de hábitos máis arbóreos.
En Marcelle
En Marcelle aloxamos un grupo con reprodución activa.
– BILL (macho) – chamado así porque cando comeza a súa época de celo vólvese moi territorial co resto dos animais.
– CASPER (macho) – o seu carácter introvertido e tímido tanto coas femias como co resto de animais cos que convive.
– PRETTY (femia) – ela é a máis atrevida con diferenza. A miúdo atrévese mesmo a esixir, mediante repetidos golpes no chan coas súas extremidades anteriores, que se lle adestre e se lle dean premios ata que ela considera que é suficiente.
– HOPE (femia) – chamada así porque conseguiu manter con vida unha cría durante un inverno moi duro e grazas aos seus coidados puido saír adiante. En Marcelle intentamos respectar sempre a maternidade para evitar sufrimentos pola separación materno-filial e garantir unha aprendizaxe natural.
– SUNNY (cría de 2024) – filla de Hope. Chamada así porque o día que a descubrimos un raio de sol iluminaba o seu corpo e quentabaa cando tiña só unhas poucas horas de vida.
– MULAN (femia) – coa súa cara afiada e o seu carácter doce, nunca se lle ve en conflito con ninguén e é unha excelente compañeira de Hope na súa maternidade.
– HONEY (cría de 2024) – o seu nome reflicte que é doce como o mel.
