Enriquecemento ambiental
Outra parte importante da conservación da fauna é a relativa aos animais que pertencen á colección zoolóxica de Marcelle Natureza.
Para iso, elaboráronse distintos programas por persoal especializado co obxectivo de cubrir as necesidades tanto físicas como psicolóxicas dos animais, englobando todo no termo de Benestar Animal.
Definición
É un proceso levado a cabo polo noso persoal cualificado co propósito de mellorar o benestar tanto físico como psicolóxico dos animais a través de terapias individualizadas.
O obxectivo do deseño e posta en marcha dun programa de Enriquecemento Ambiental é o fomento de comportamentos naturais da especie e a diminución dos anómalos.
Terapia Osos
¿Sabías que os animais tamén poden lembrar o seu pasado?
A nosa familia de oso pardo procede dun centro onde ningún deles se sentía “un verdadeiro oso”, era un lugar demasiado limitado para eles.
Unha das nosas prioridades é ofrecer unha segunda oportunidade aos animais que non tiveron unha vida fácil e facerlles esquecer un pasado difícil. Para superar algún dos seus medos realizamos un adestramento de reforzo positivo que poderás ver normalmente pola tarde despois da sesta.
Os seus adestradores/as ofrecen diferentes premios aos animais mentres realizan diversos exercicios, tanto físicos como mentais, que lles axudan a esquecer e a superar cada día novos retos.
Se observas con atención descubrirás onde se atopa a súa comida favorita, onde durmen e incluso onde se rascan a espalda. Todo isto forma parte dun programa de enriquecemento ambiental enfocado ao benestar de cada individuo.
Elementos de Enriquecemento ocupacional e nutritivo: durante o período de actividade dun oso, dedican moitas horas á búsqueda de alimento. Para iso dispoñen dunha falsa colmea rechea de diversas substancias, as cales conseguen extraer lentamente.