1.- As entradas para o acceso a Marcelle Natureza deberán comprarse directamente no portelo do parque e permiten o acceso durante todo o día (podes entrar e saír as veces que queiras). Estas deberán conservarse durante toda a visita. Prohíbese a entrada de grupos de máis de 20 persoas sen a previa organización do parque. Para grupos de máis de 20 persoas, solicita dispoñibilidade no teléfono 673198456.

2.- O noso parque ofrece a realización de actividades organizadas (aniversarios, excursións…), polo que non se permite ningunha celebración que non estea dirixida polo noso persoal.

3.- Tampouco se permitirá acceder con balóns nin con patíns, patinetes, bicicletas, triciclos, etc.

4.- Pecharase a venda de entradas 1 hora antes do peche do parque.

5.- Non está permitido o acceso con ningún tipo de animal de compañía, agás os cans de asistencia (Lei 19/2009, de 26 de novembro).

6.- Os menores de 14 anos deberán ir sempre acompañados dun adulto.

7.- Non se permitirá a entrada ás instalacións de Marcelle Natureza a quen porte algún tipo de arma ou obxecto punzante.

8.- Do mesmo xeito, non se permitirá a introdución nas instalacións de bebidas alcohólicas nin de drogas de ningún tipo.

1.- Non se permite o acceso aos espazos vallados ou cercados onde se atopan os animais nin escalar as reixas.

2.- Non se permite dar alimentos aos animais, tocarlle, nin alterar de ningún xeito o seu comportamento habitual, evitando así causarlles graves consecuencias.

3.- Deben respectarse as árbores e as zonas verdes.

4.- Consideraranse áreas restrinxidas todas aquelas nas que apareza a indicación de control de acceso.

5.- Os visitantes deberán atender en todos os casos as indicacións dos guías ou do persoal autorizado de Marcelle Natureza.

6.- Como norma xeral de comportamento, os visitantes deberán coidar das instalacións sen causar danos nin deterioracións nas mesmas. Ademais, deberán depositar os obxectos desbotables nas papeleiras distribuídas por todo o parque, contribuíndo así ao noso compromiso co medio ambiente.

7.- Non se poderá utilizar dentro do recinto das instalacións de Marcelle Natureza radios nin aparellos reprodutores de son a non ser que estean dotados de auriculares.

8.- Non se permite fumar en todo o recinto do parque de Marcelle Natureza.

1.- Os estacionamentos de Marcelle Natureza non están vixilados, polo que Marcelle Natureza S.L. non se responsabiliza dos danos que poidan sufrir os vehículos estacionados nin da perda de calquera obxecto.

2.- Marcelle Natureza S.L. non se responsabiliza dos obxectos perdidos dentro das súas instalacións.

3.- O importe das entradas adquiridas non será obxecto de reembolso en ningún caso.