E PARECE UN CANGURO! PERO NON O É

Tamén chamado Ualabí de pescozo vermello, é un macrópodo (que significa pés grandes) de tamaño medio, con todo, non é un canguro, é un ualabí. Realmente, os chamados canguros son de maior tamaño, coma o famoso Canguro Gris (de ata 2 m de altura). Esta especie é endémica de Australia e atópase nas illas de Tasmania e nas illas adxacentes. Son animais solitarios, aínda que poden xuntarse para alimentarse.

As femias son as únicas que teñen marsupio e dentro del atópanse 4 mamas preparadas para satisfacer as necesidades de ata dúas crías ao mesmo tempo. Nos primeiros meses de xestación marsupial, o leite está composto principalmente por proteínas que favorecen o desenvolvemento correcto das crías, que chegan ao marsupio cun tamaño semellante ao dun verme. Aos 7 meses comezan a saír ao exterior (fase de Joey) e acoden á nai para obter a súa ración de leite, que nese momento está composta principalmente por graxas. A nai é capaz de satisfacer as necesidades das dúas crías de forma independente.